Ինչ է արբիտրաժըԵթե ձեր և կազմակերպության միջև կնքվել է արբիտրաժային համաձայնություն, ապա ձեր միջև ծագող վեճերը լուծվելու են արբիտրաժային տրիբունալի կողմից:
Արբիտրաժային տրիբունալն անկախ է գործող ընդհանուր դատական համակարգից: Արբիտրաժի նպատակն է կրճատել վեճերի լուծման ժամանակը:
Տրիբունալի ձեվավորումՎեճերի ծագման դեպքում ձևավորվում է միանձնյա արբիտրաժ (մինչև 5 մլն ՀՀ դրամի բողոք-պահանջ) կամ արբիտրաժային տրիբունալ՝ Հայաստանի բանկերի միության խորհրդի կողմից հաստատված արբիտրների ցանկից: Կողմերի համաձայնության դեպքում ցանկացած վեճ կարող է լուծվել միանձնյա արբիտրաժի կողմից: Հայցվորները կարող են ընտրել արբիտրներին: Քանի որ արբիտրաժային տրիբունալի անդամների թիվը պետք է կենտ լինի, կողմերի միջոցով ձևավորված արբիտրաժային տրիբունալը, պատահականության սկզբունքով, համալրվում է երրորդ՝ նախագահող արբիտրով:
ՎճիռՔննելով վեճին վերաբերող բոլոր հանգամանքները՝ արբիտրաժային տրիբունալը վճիռ է կայացնում իր անդամների ձայների մեծամասնությամբ: Արբիտրաժային տրիբունալի վճռի կատարումը պարտադիր է: Վճռի վիճարկումը դատարանում կարող է իրականացվել միայն այն չեղյալ ճանաչելու վերաբերյալ դիմելու ճանապարհով:
Եթե արբիտրաժի ընթացքում կողմերը հաշտությամբ լուծում են վեճը, ապա արբիտրաժային տրիբունալը դադարեցնում է գործի քննությունը, և կողմերի միջև կնքվում է հաշտության համաձայնություն:
Արբիտրաժային համաձայնագիրՊայմանագիր կնքելիս դուք իրավունք ունեք հրաժարվելու արբիտրաժային համաձայնագրից: Ֆինանսական կազմակերպությունը պարտավոր է փոփոխել վեճերի լուծման պայմանը և մատուցել ձեզ ծառայություն:Արբիտրաժային համաձայնության դեպքում դուք կարող եք դիմել Ֆինանսական համակարգի հաշտարարին, քանի դեռ բողոքը չի ներկայացվել տրիբունալ:
Հաշտարարը իրավասու չէ ընդունելու բողոքը, եթե այն արդեն քննվում է տրիբունալում:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։