Ավելին
Մայիսի 2-ին ՀՀ կենտրոնական բանկի և «Հայաստանի պատանեկան նվաճումներ» կազմակերպության համատեղ նախաձեռնությամբ Երևանում տեղի ունեցավ «Brain Ring» անվանումը կրող ամենամյա խաղ-մրցույթը՝ նվիրված տնտեսագիտությանը, անձնական ֆինանսների կառավարմանը և ձեռնարկատիրությանը:
Մրցույթի նպատակը ավագ դպրոցում տնտեսագիտություն, անձնական ֆինանսներ և ձեռնարկատիրություն ուսումնասիրող աշակերտներին խրախուսելը և նրանցից լավագույններին բացահայտելն է։ Յուրաքանչյուր ուստարվա ավարտին «Brain Ring» մրցույթ կազմակերպելու գեղեցիկ ավանդույթը ՀՀ կենտրոնական բանկի և «Հայաստանի պատանեկան նվաճումներ» ՀԿ-ի միջև ձևավորվել է տարիների ընթացքում։
Յուրաքանչյուր մարզից մրցույթին մասնակցեցին 5-ական աշակերտների թիմեր։ Մրցույթում հաղթող ճանաչվեցին Շիրակի մարզը ներկայացնող թիմը՝ առաջին հորիզոնական, Արարատի մարզը ներկայացնող թիմը՝ երկրորդ հորիզոնական, Վայոց ձորի մարզը ներկայացնող թիմը՝ երրորդ հորիզոնական։ Հաղթողները ստացան հետևյալ հուշադրամները՝ «Սուրբ Հովհաննես Մկրտչի մասունքով խաչ», «Սանահին եկեղեցի» և «Գնդեվանք եկեղեցի», «Ազգային դրամի -30-ամյակ» հիշատակային մետաղադրամների հավաքածու:
Հատուկ հարցեր հնչեցվեցին նաև ՀՀ կրթության, գիտության, մշակույթի և սպորտի նախարարության, Ավանդների հատուցումը երաշխավորող հիմնադրամի, Ֆինանսական համակարգի հաշտարարի գրասենյակի, Ավտոապահովագրողների բյուրոյի կողմից։ Հարցերին ճիշտ պատասխանած մասնակիցները և թիմերն արժանացան այդ կառույցների կողմից հատուկ մրցանակներին, նրանց շարքում էին Արագածոտնի, Սյունիքի, Տավուշի մարզերի թիմերը, Մարիա Նգոյանը և Ռուբիկ Բաբայանը:
Ողջույնի խոսքով հանդես եկան ՀՀ կենտրոնական բանկի խորհրդի անդամ Հասմիկ Ղահրամանյանը, ՀՀ կրթության, գիտության, մշակույթի և սպորտի նախարարության՝ հանրակրթության վարչության պետ Թամարա Սարգսյանը և «Հայաստանի պատանեկան նվաճումներ» ՀԿ-ի գործադիր տնօրեն Արմինե Հովհաննիսյանը:
Կամավորների գրանցումՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
Մուտք իմ էջիմ էջի գրանցում
