1. Գնե՛ք մաս-մաս
Բաշխելով ձեր գնումները մի քանի օրերի մեջ դուք կձևավորեք ֆինասնական ապահովության բարձիկ և կկարողանաք հնարավորինս լավ կառավարել ձեր գումարը:
2. Ներգրավե՛ք ընկերներին
Այս դեպքում դուք պարբերաբար միմյանց հիշեցնում եք գնումներ կատարելու մասին, հարցնում, վերահսկում: Այսպիսով դուք կարողանում եք գնումների գործընթացը դարձնել վերահսկելի և ոչ իմպուլսիվ: Իմպուլսիվ գնումներից խուսափելու այլ եղանակներ կգտնեք այս հոդվածում:
3. Հաշվե՛ք, թե որքան կարող եք խնայել
Հաշվի առե՛ք, որ դեկտեմբերի վերջին նվերների գները աճում են 5-10%-ով: Որպես այլընտրանք կարող եք օգտագործել օրինակ հոգեթերապիայի հնարավորություն, մարզասրահի, պարի, ֆոտոնկարահանման կամ էլ սպորտի անդամագրության քարտեր: Այսպիսի նվերներների գները սովորաբար չեն տատանվում, իսկ Ամանորի առթիվ հնարավոր է ստանալ նաև բոնուսներ, օրինակ՝ նվեր ևս մեկ պարապմունք:
Ամեն դեպքում, մի՛ նետեք գնված նվերների կտրոնները՝ միգուցե ինչ-որ մեկը կցանկանա փոխել այն, եթե չափսը չհամապատասխանի կամ ունենա որևէ թերություն :
Գնե՛ք նախապես
Նախապես կազմեք մոտավոր մենյու և սկսեք ավելի էժան գներով գնել մթերքներ, որոնք երկարաժամկետ պահպանման են և շուտ չեն փչանա: Օրինակ՝ ոլոռ, եգիպտացորեն, ծովախեցգետնի ձողիկներ, ձիթապտուղ, ինչպես նաև ալկոհոլ, հյութեր, գազավորված ըմպելիքներ:
Փորձը ցույց է տվել, որ անհրաժեշտ ապրանքների ցուցակ կազմելը և այն օգտագործելը կրճատում է ծախսերը 25-30%- ով, քանի որ ցուցակ ունենալու դեպքում իմպուլսիվ գնումներ կատարելու ռիսկերը հավասարվում են զրոյի:
Հիշե՛ք ոսկե կանոնը. Գնե՛ք միայն այն ինչը կգնեիք անգամ եթե չգործեր զեղչ:
Փոխարինե՛ք բնական եղևնին արհեստականով
Բնական եղևնիները սովորաբար շատ թանկ են, իսկ արհեստականներն էլ վատ տեսք չունեն: Արհեստական եղևնիները կարող եք օգտագործել մի քանի տարի: Դրանք հավելյալ խնամքի, անընդհատ մաքրելու կարիք չունեն: Իսկ բնական եղևնու բույր կարող եք ապահովել հոտավետ մոմերի, եթերային յուղերի միջոցով: Այսպես դուք նաև կնպաստեք հատվող եղևնիների նվազմանը և կխնայեք բավականին մեծ գումար, որը պիտի ծախսեիք մեկանգամյա օգտագործման եղևնու գնման վրա:
Կարևոր է, որ ամանորյա հրաշքին պատրաստվելիս չմոռանաք հոգ տանել ձեր ֆիզիկական և հոգեկան առողջության մասին:
Մաղթում ենք ֆինանասպես բարեկեցիկ և հաջողակ տարի:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
Կիսվեք ձեր կարծիքով
Ուղարկելով մեկնաբանությունը դուք հաստատում եք որ ծանոթացել և համաձայն եք դրանց: