Եթե դուք որոշել եք ձեր խնայողություններ պահել ավելի ապահով վայրում՝ ներդնելով բանկում Իրավաբանական անձ է, որը տրված լիցենզիայի հիման վրա ներգրավում է ավանդներ և իր անունից և ռիսկով տեղեբաշխում է դրանք վարկեր, ավանդներ, դեպոզիտներ: որպես ավանդ, խորհուրդ ենք տալիս հետևել 3 հիմնական քայլերին:
Քայլ 1. Հստակ որոշե՛ք Ձեր ավանդ ներդնելու նպատակները: Ձեր նպատակից է կախված ձեր ավանդի տեսակը, ժամկետայնությունը…: Նպատակները կարող են լինել տարբեր՝
Քայլ 2. Կատարեք բյուջեի պլանավորումՀասկանալու համար, թե ամեն ամիս որքան եք կարողանալու և որքան եք պատրաստ տնտեսել: Տնտեսվող գումարի չափը որոշելու համար ձեր ամսական բյուջեից հանեք ձեր ընթացիկ ծախսերը (հիշե՛ք նաև հնարավոր չնախատեսված ծախսերի մասին, ինչպիսիք են օրինակ՝ բժշկական, ավտոմեքենայի վերանորոգման և այլ ծախսերը):Այս հարցում ձեզ կօգնի բյուջեի վարման գրքույկը:
Քայլ 3. Կատարեք շուկայում առկա բազմաթիվ ավանդատեսակների ուսումնասիրությունՊարզելու համար, թե ո՞ր ավանդատեսակն է ձեր նպատակին ամենահարմարը: Ֆինինֆոն կօգնի արագ և անվճար գտնել և համեմատել շուկայում առկա ավանդները: Համեմատություններ կատարելիս ուշադրությու՛ն դարձրեք ավանդի ընդունման բոլոր պայմաններին և մասնավորապես պարզեք.
• Որքա՞ն է առաջարկվող տարեկան անվանական տոկոսադրույքը և տարեկան տոկոսային եկամտաբերությունը,
• Տոկոսադրույքը հաշվարկվում է պարզ, թե՞ բարդ մեթոդով. Պարզ մեթոդով տոկոսադրույքի հաշվարկման դեպքում տարեկան տոկոսադրույքը հաշվարկվում է միայն ձեր ներդրած սկզբնական գումարի վրա:
Բարդ մեթոդով տոկոսադրույքի հաշվարկման դեպքում ավանդից ստացված տոկոսագումարները մուտքագրվում են ձեր ավանդի սկզբնական գումարին և տոկոսադրույքը հաշվարկվում է սկզբնական ավանդի և տոկոսագումարների հիման վրա: Այս դեպքում առանձնակի կարևորություն ունի այսպես կոչվող կապիտալացման հաճախականությունը, որը ցույց է տալիս, թե ինչ հաճախականությամբ են տոկոսագումարները գումարվում մայր գումարին: Որքան հաճախ է կապիտալացումը այնքան ավելի բարձր կարող է լինել ավանդի տարեկան տոկոսային եկամտաբերությունը:
• Ինչպիսի՞ն է տոկոսադրույքի հաշվարկման կարգը. Ավանդի տոկոսադրույքը գործողության ողջ ժամանակահատվածի ընթացքում կարող է լինել հաստատուն կամ կարող է փոփոխվել որոշակի պայմանների ներքո:
• Ինչպիսի՞ ժամկետներով են ընդունվում ավանդները. Սովորաբար որքան երկար է ավանդի ժամկետը, այնքան բարձր է լինում ավանդի դիմաց առաջարկվող տոկոսադրույքը։
• Ի՞նչ արժույթով է ընդունվում ավանդը. Դուք կարող եք ներդնել ավանդ ինչպես ՀՀ դրամով, այնպես էլ արտարժույթով, սակայն կոնկրետ ավանդատեսակների համար կարող են գործել արժութային սահմանափակումներ։ Բացի այդ, նույն ավանդատեսակի համար դրամային և արտարժութային ավանդի տոկոսադրույքները կարող են տարբերվել։
• Արդյո՞ք առկա է ավանդի մայր գումարի փոփոխման հնարավորություն. Ճշտեք, արդյո՞ք ձեզ կարող է տրվել հնարավորություն ավանդային պայմանագրի գործողության ընթացքում ավելացնել կամ պակասեցնել ավանդի մայր գումարը:
• Որո՞նք են ժամկետային ավանդը ժամկետից շուտ հետ վերցնելու պայմանները. Այն դեպքում, երբ ժամկետային ավանդը ձեր պահանջով վերադարձվում է մինչև պայմանագրով սահմանված ժամկետի ավարտը, ապա բանկը կարող է, օրինակ, չվճարել կամ մասամբ վճարել խոստացված տոկոսագումարները:
Հիշե՛ք` բանկը Իրավաբանական անձ է, որը տրված լիցենզիայի հիման վրա ներգրավում է ավանդներ և իր անունից և ռիսկով տեղեբաշխում է դրանք վարկեր, ավանդներ, դեպոզիտներ: պարտավոր է իր կողմից առաջարկվող յուրաքանչյուր տեսակի ավանդի համար ունենալ և ձեզ տրամադրել սակագների, տոկոսադրույքների, տարեկան տոկոսային եկամտաբերության, տույժերի և այլ պայմանների վերաբերյալ ՏԵՂԵԿԱՏՎԱԿԱՆ ԱՄՓՈՓԱԳԻՐ:
Մինչև վերջնական որոշում կայացնելը ուսումնասիրե՛ք նաև տեղեկատվական ամփոփագրերը, որոնք դուք կարող եք ձեռք բերել բանկում կամ բանկի ինտերնետային կայքում:
Պայմանագիրը ստորագրելուց հետո պահանջե՛ք պայմանագրի ձեր օրինակը և պահպանե՛ք այն: Ավանդային պայմանագրի հետ միասին բանկը ձեզ պետք է տրամադրի նաև ձեր ավանդի երաշխավորման մասին գրավոր տեղեկատվություն:
Ուսումնասիրեք շուկան, ծանոթացեք, թե բանկերն ի՞նչ պայմաններով ավանդներ են առաջարկում: Այդ նպատակով օգտվե՛ք Ֆինինֆոյից, որը կօգնի ձեզ համեմատել տարբեր ֆինանսական կառույցների կողմից առաջարկվող ավանդները և ընտրել ձեր պայմաններին համապատասխանը։
Առանձին ավանդի տարեկան տոկոսային եկամտաբերությունը հաշվելու համար օգտագործե՛ք Ավանդների հաշվիչը։
Նյութից օգտվելու դեպքում հղումը www.abcfinance.am պարտադիր է:
Նյութում ներկայացված է հեղինակի կարծիքը, որը կարող է տարբերավել ՀՀ ԿԲ պաշտոնական դիրքորոշումից:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
Կիսվեք ձեր կարծիքով
Ուղարկելով մեկնաբանությունը դուք հաստատում եք որ ծանոթացել և համաձայն եք դրանց: