Ի՞նչ անեմ, եթե...

Որոշ կապի օպերատորներ հնարավորություն են տալիս 1 րոպեի ընթացքում չեղարկել բջջային համարից մյուսին կատարվող փոխանցումները:
Մնացած դեպքերում.Կապ հաստատե՛ք հեռախոսահամարի տիրոջ հետ (այս դեպքում ողջ հույսը դնում եք այլ մարդու բարեխղճության վրա)

• Պահե՛ք փոխանցման անդորրագիրը և ներկայացրե՛ք բջջային օպերատորի սպասարկման կենտրոն
• Եթե փոխանցել եք վճարային տերմինալով կամ բանկային քարտով, ապա դիմե՛ք բանկին կամ վճարային տերմինալը սպասարկող կառույցին

Գումարը փոխանցել եմ սխալ  բանկային քարտի/հաշվեհամարի Գումարային փոխանցումների համար սովորաբար պահանջվում է 0,5 վայրկյանից մինչև 2 աշխատանքային օր ժամանակ: Հիշեք, որ այս դեպքում բանկը  չի կարող միակողմանիորեն հետ գանձել գումարը:

• Փորձե՛ք կապ հաստատել փոխանցումը ստացողի հետ:
• Դիմե՛ք բանկին: Այս դեպքում քարտից կատարված սխալ փոխանցման վերաբերյալ  ներկայացվում է գործարքի բողոքարկման դիմում:  Այն տևում է մինչև 40 օր՝ կախված ստացող կողմի պատասխանից:
• Ներկայացրե՛ք դատակայն հայց, եթե բողոքարկման արդյունքում ստացողը հրաժարվում է վերադարձնել գումարը, քանի որ գործող օրենսդրությամ սա համարվում է «անհիմն հարստացում»:

Ես եմ ստացել սխալ փոխանցում 

Տվյալ դեպքում անհրաժեշտ է գումարը չօգտագործել:

• Փորձե՛ք կապվել փոխանցողի հետ՝ գումարը  վերադարձնելու համար
• Կապ հաստատե՛ք բանկի հետ, նշելով, որ Ձեր քարտին կատարված փոխանցմանը չէիք սպասում:

Գումարը փոխանցել եմ խարդախների Խարդախները բանկերի և այլ ֆինանսական կազմակերպությունների անունից կարճ (SMS) հաղորդագրություններ են ուղարկում իբրև ձեզ փոխանցվել է գումար, այնուհետև զանգում են և գումարի վերադարձ  պահանջում: Այս դեպքում մինչ վերադարձնելը համոզվեք, որ գումարը իսկապես ժամանել է ձեր հաշվին՝ խուսափելու համար անհիմն կասկածներից: Սա կարելի է անել մոբայլ բանկինգի միջոցով կամ կապվելով բանկի սպասարկման կենտրոնի հետ:

Ուշադիր եղե՛ք

Սխալ փոխանցումներից խուսափելու համար ստուգե՛ք ստացողի անուն/ազգանունը մոբայլ հավելվածում կամ ուշադիր եղե՛ք, որ  քարտային հաշվի/հաշվեհամարի թվերը լինեն ճիշտ հավաքված: Սեղմե՛ք «Հաստատել» կոճակը, երբ վստահ եք, որ ամեն ինչ ճիշտ է: