Ավելին
Անին և Գոհարը որոշել էին ճանապարհորդել դեպի Ֆրանսիա, տեսնել Էյֆելյան աշտարակը, ուտել կրուասան և իհարկե կատարել շատ գնումներ։
Ի տարբերություն Գոհարի՝ Անին վաղուց լսել էր Tax Free-ի մասին և գիտեր, որ կարող է վերադարձնել իր ծախսած գումարի մի մասը:
Նա նախօրոք ճշտել էր Ֆրանսիայում ավելացված արժեքի հարկը, նվազագույն գումարի չափը և գնումներ կատարելիս վաճառողից խնդրում էր հատուկ կտրոն։ Այսպիսով Անին վերադարձրեց իր ծախսած 500€-ի մոտ 60€-ն :
Գնումները ճանապարհորդության անբաժան և հաճելի մասն են: Իսկ դու գիտե՞ս, որ Tax Free-ի միջոցով կարող ես վերադարձնել ծախսածդ գումարի մի մասը՝ հետևելով մի քանի պարզ քայլերի:
Ապրանքի գնի մեջ սովորաբար ներառված է լինում ավելացված արժեքի հարկ (ԱԱՀ), օրինակ՝ ապրանքն արժի 1200 դրամ, որից 200 դրամը ԱԱՀ-ն է։
Tax Free-ն բառացի նշանակում է «առանց հարկերի», այսինքն՝ իրավունք ունես ԱԱՀ-ի գումարը հետ ստանալու: Քանի որ զբոսաշրջիկները չեն ապրելու այդ երկրում, չեն օգտվելու տեղի բնակիչներին հասանելի հանրային ծառայություններից, ուստի պարտավոր չեն հարկ վճարել դրանց համար:
Խանութների ցուցափեղկերի վրա կտեսնես «Tax Free» վառ մակագրությունը և փոխհատուցում տրամադրող օպերատորի լոգոն: Դրանցից ամենահայտնին են Global Blue-ն, Premier Tax Free-ն և Planet-ը, Innova Tax Free-ն:2. Ճշտի՛ր՝ որքան գումարի ու ինչ ապրանքների համար կարող ես ստանալ հարկի վերադարձ տվյալ տարածքում
Առցանց գնումների դեպքում գումարը երբեմն ենթակա չէ վերադարձի:
Ներքևում կտեսնես այն 54 երկրները, որտեղ կարող ես օգտվել Tax Free-ից`
Հիշի՛ր, որ յուրաքանչյուր երկիր ունի իր հարկերի և գնումների նվազագույն շեմը:
Անհրաժեշտ է լինելու լրացնել տվյալներ՝ հատուկ փաստաթղթեր ստանալու համար։
Եթե առևտուր ես կատարում առևտրի կենտրոններից, որտեղ կան մի քանի խանութներ, ապա գուցե բոլոր գնումների համար տրամադրեն մեկ միասնական փաստաթուղթ։
Մի՛ նետիր և մի՛ կորցրու Tax Free-ի համար տրամադրվող կտրոնը:Tax Free ձևաթղթում վաճառողը նշում է գնումների ընդհանուր արժեքը և վերադարձվող գումարը: Կան վաճառակետեր, որտեղ դու ինքդ պետք է լրացնես տվյալները և կան վաճառակետեր, որտեղ աշխատակիցն է լրացնում տվյալները։ Մի՛ մոռացիր խնդրել դրամային կտրոն, առանց որի գումարի վերադարձն անհնար է, և ստուգի՛ր QR-ի առկայությունը: Այս փաստաթուղթը կցվում է ստանդարտ դրամային կտրոնին:
Գնված իրի վրա կարող է լինել հատուկ ժապավեն, ավելի լավ է այն չպոկել, մինչև մաքսային ստուգումը:
Եվս մեկ կարևոր կետ. յուրաքանչյուր երկրում սահմանվում է Tax Free ձևաթղթի վավերականության որոշակի ժամկետ (սովորաբար 3 ամիս), այսինքն՝ այն ժամանակը, որը տրվում է գնորդին արտասահմանյան գնումներ կատարելիս գումարի վերադարձ ստանալու համար։
Մինչև թռիչքը օդանավակայանում գտի՛ր Tax Free office կամ VAT Refund ցուցանակները, մոտեցի՛ր ու ճշտի՛ր անելիքները։ Պետք է անցնել մաքսային ստուգում։ Մաքսային կետում քո ունեցած ձևաթղթերի վրա դրվում է կնիք։
Ճշտի՛ր մաքսատան աշխատանքային ժամերը, մինչև օդանավակայան գնալը։ Ժամանի՛ր օդանավակայան նախօրոք՝ թռիչքից 3-4 ժամ առաջ:
Մաքսային ծառայության աշխատակիցները կարող են զննել գնված իրերը, ուստի խորհուրդ ենք տալիս դրանք ճամպրուկի մեջ հասանելի տեղում դնել: Գուցե ավելի հեշտ լինի բոլոր գնված ապրանքները դնել ձեռքի ուղեբեռում: Իսկ այն դեպքում, երբ օդանավակայաններում մաքսային կետն ու Tax Free գրասենյակները գտնվում են ուղեբեռը հանձնելուց հետո նախատեսված վայրում, պարտադիր կլինի իրերը դնել ձեռքի ուղեբեռում։ Պետք է ուշադիր լինել, որ հեղուկները չգերազանցեն 100 մլ-ը։ Իսկ եթե գերազանցում են, պետք է պարտադիր դնել մեծ ուղեբեռում։ Կարող են լինել նաև ավիաընկերության կողմից սահմանված այլ պահանջներ, անհրաժեշտ է կարդալ պայմանները նախապես։
Մի՛ շտապիր հագուստից, գնված իրերից պոկել գնապիտակները, դա կարելի է անել միայն մաքսային հսկողություն անցնելուց հետո։
Եթե մի քանի երկիր ես ճանապարհորդել, ապա Tax Free-ի համար անհրաժեշտ է կնիք դնել միայն վերջին երկրում: Օրինակ, եթե դու ճանապարհորդում ես Ֆրանսիա - Գերմանիա - Չեխիա երթուղով, իսկ հագուստը գնել ես Գերմանիայում, ապա քեզ անհրաժեշտ է միայն Չեխիայի մաքսային ծառայության կնիք։
Օդանավակայաններում երբեմն լինում է այս ամենն ապարատների միջոցով անելու հնարավորություն․ սկանավորում եք QR կոդերը, անհրաժեշտ փաստաթղթերն ու իրականացնում գործարքը։
Նյութից օգտվելու դեպքում հղումը www.abcfinance.am պարտադիր է: Նյութում ներկայացված է հեղինակի կարծիքը, որը կարող է տարբերավել ՀՀ ԿԲ պաշտոնական դիրքորոշումից:
Կամավորների գրանցումՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
Մուտք իմ էջիմ էջի գրանցում
Կիսվեք ձեր կարծիքով
Ուղարկելով մեկնաբանությունը դուք հաստատում եք որ ծանոթացել և համաձայն եք դրանց: