Ավելին
3. Համեմատե՛ք գները
Մինչ գնում կատարելը կայքերի, հավելվածների միջոցով, կամ էլ պարզապես խանութներ այցելելով հետևե՛ք ակցիաներին և համեմատե՛ք մի քանի խանութերի առաջարկած գները: Սա ձեզ կօգնի կատարել շահավետ գնումներ և չդառնալ գովազդային արշավների զոհ:
4. Օգտագործե՛ք բանկային քարտեր
Ներկայումս գրեթե բոլոր բանկերն առաջարկում են քեշբեք ծրագրեր, որոնք հնարավորություն են տալիս հետ ստանալ կատարած գնումների գումարի մի մասը ձեր հաշվին։ www.fininfo.am/ կայքի միջոցով կարող եք գտնել հայաստանյան բանկերի կողմից տրամադրվող վճարային քարտերը, որոնք առաջարկում են քեշբեք, ծանոթանալ մանրամասներին, համեմատել և ընտրել ձեզ համար նախընտրելի քարտը:
Այսպիսով դուք կխնայեք գումար և կստանաք միավորներ ու բոնուսներ կախված ընտրված քարտի պայմաններից:
5. Վերօգտագործե՛ք իրերը
Եթե ձեր երեխան առաջին դասարանցի չէ, ապա կարիք չկա կատարելու նույն ծավալի գնումներ յուրաքանչյուր տարի։ Կարող եք պարզապես օգտագործել անցյալ տարվանից լավ վիճակում պահպանված իրերը: Սա ոչ միայն կօգնի խնայել, այլև նաև կնպաստի իրերի նկատմամբ զգույշ վերաբերմունքին և ողջամիտ օգտագործմանը՝ նվազեցնելով աղբի քանակը և քիչ աղտոտելով մոլորակը:
Որպեսզի դպրոցական համազգեստը, կոշիկները և պայուսակը հնարավորինս երկար մնան արդիական և չհոգնեցնեն երեխային, ավելի լավ է շեշտը դնել չեզոք գույների և մոդելների վրա։
6. Օգտվե՛ք այլ ծնողների «սխալներից»
Երբեմն ծնողները սխալվում են՝ գնելով սխալ չափսի, գույնի կամ ոճի համազգեստ, կոշիկներ կամ երեխայի չսիրած կերպարներով պայուսակ: Արդյունքում դրանք պիտակներով հանդերձ տեղադրվում են վաճառքի գովազդային կայքերում և սոցիալական ցանցերի հատուկ խմբերում: Որպես կանոն, դրանց գները շատ ավելի ցածր են, քան խանութներում։
7. Վաճառե՛ք այն, ինչ ձեզ հարկավոր չէ Կարող եք օգնել ինչ-որ մեկին` համացանցում վաճառքի հանելով ձեր երեխայի փոքրացած դպրոցական համազգեստը, պայուսակը կամ հնացած համակարգիչը: Ստացված եկամուտն էլ կարող եք ներդնել նոր դպրոցական պարագաների կամ ոչ պակաս անհրաժեշտ այլ իրերի մեջ։
Խորհուրդ է տրվում գովազդը տեղադրել ոչ թե սոցիալական ցանցերում, այլ մասնագիտացված կայքերում: Նման ծառայությունները փորձում են պաշտպանել օգտատերերին խաբեբաներից՝ գաղտնագրելով հեռախոսահամարները և արգելափակելով վնասակար և ֆիշինգային հղումները:Մաղթում ենք լավ դիմավորել գիտելիքի օրը և ունենալ բեղումնավոր ուսումնական տարի:
Նյութից օգտվելու դեպքում հղումը www.abcfinance.am պարտադիր է:
Կամավորների գրանցումՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
Մուտք իմ էջիմ էջի գրանցում
