Ինչպես են գործում արժեկտրոններըԶեղչերը բոլորը տեղերում նույն են, սակայն դրանք ստանալու եղանակները տարբեր են: Ինչքան էլ դա հակասական հնչի, սակայն որոշ դեպքերում ցանկալի տնտեսում ունենալու համար պետք է վճարել: Հենց դա է արժեկտրոնը, բացառությամբ որոշ դեպքերի:Արժեկտրոնը կտրոն է, որը թույլ է տալիս ձեռք բերել ապրանքը կամ ծառայությունը որոշակի զեղչերով:Կարևոր է հիշել, որ բոլոր արժեկտրոններն ունեն իրենց ժամկետները: Շատ դեպքերում այդ ժամկետը կազմում է մեկ շաբաթից մինչև մեկ ամիս:
Արժեկտրոնների ինչ տեսակներ գոյություն ունենԴրանք շատ են, սակայն հիմնականում երկուսն են: Առաջինը զեղչային է: Ձեռք բերելով այն` դուք որոշակի զեղչ եք ստանում ինչ-որ ապրանքի կամ ծառայության համար: Հայաստանում արժեկտրոնների մեծ մասի արժեքը չի անցնում 2 հազար դրամից, սակայն կարող են նաև արժենալ 100-ից մինչև 10 հազար դրամ: Դա կապված է նրանից, թե ինչպիսի ապրանք կամ ծառայություն եք ձեռք բերում: Ինչ վերաբերում է զեղչին, ապա արժեկտրոնները Կտրոն է, որը թույլ է տալիս ձեռք բերել ապրանքը կամ ծառայությունը որոշակի զեղչերով: հնարավորություն են տալիս տնտեսել ապրանքի կամ ծառայության արժեքի մեծ մասը:Հայաստանում արժեկտրոններ կարելի է ձեռք բերել մի շարք հայտնի սերվիսներից:Ուշադիր եղեք արժեկտրոնի ակտիվացման պայմաններին, հակառակ դեպքում դուք ոչ միայն չեք տնտեսի, այլ նաև հավելյալ գումար կծախսեք:Երկրորդ տարբերակը հավաստագրերն են, որոնք ամբողջովին ծածկում են ապրանքի կամ ծառայության արժեքը: Դրանք հնարավոր է ձեռք բերել, սակայն մեծ մասը խաղարկվում է խանութների կողմից անցկացվող հատուկ ակցիաների ժամանակ:Ուշադիր եղեք` հիմնականում այդ արժեկտրոնները չեն փակում հավելյալ ծառայությունները, ինչպես, օրինակ, առաքումը, կամ կենցաղային տեխնիկայի դեպքում` տեղադրումը:
Ինչպես գնել արժեկտրոններԱրժեկտրոնների գնումն իրականացվում է մասնագիտացված կայքերի` կուպոնատորների միջոցով։ Արժեկտրոններ կարելի է գնել բջջային հավելվածների միջոցով։ Պատվերը վճարելու դեպքում ձեզ էլեկտրոնային արժեկտրոն կուղարկվի, որն անհրաժեշտ է տպել և ներկայացնել զեղչ ստանալու համար։Այն դեպքում, եթե չեք ուզում տպել, ապա նշված հեռախոսահամարին կուղարկվի կարճ հաղորդագրություն հատուկ կոդով, որը նույնպես պետք է ներկայացնել զեղչ ստանալու համար։
Պրոմոկոդեր եվ առցանց գնումներ
Պրոմոկոդը գաղտնաբառ է, տարբեր տառաթվային սիմվոլների կոմբինացիա, որն օգտագործվում է զեղչ ստանալու համար։Ըստ էության, պրոմոկոդերն այդքան էլ հեռու չեն գնացել արժեկտրոններից մեկ բացառությամբ` դրանք հիմնականում կիրառվում են առցանց գնումների դեպքում, համապատասխանաբար, մեծ տարածում են սկսել վայելել էլեկտրոնային առևտուրի ակտիվացման դեպքում և աստիճանաբար սկսել են դուրս մղել արժեկտրոններն այլ ոլորտներից։Պրոմոկոդեր գնել հնարավոր չի։ Հատուկ կոդն անվճար կարելի է ստանալ մասնագիտացված տարբեր կայքերով, որոնք հրապարակում են բազմաթիվ խանութների առաջարկությունները։Այդպիսի ճանաչված կայքերից է groupon.com կայքը։ Արժեկտրոնների ընդլայնվող աշխարհագրությունը հանգեցրել է բրաուզորների համար հատուկ լրացումների, օրինակ, Honey–ի ստեղծմանը, որոնք հնարավոր է կցել առցանց խանութում ձեզ հետաքրքրող ապրանքին։ Նրանք ավտոմատ հետևում են հայտնվող պրոմոկոդերին և ձեզ ծանուցում ուղարկում, հենց որ շահավետ գործարք լինի։ Պրոմոկոդերի տարածման մեկ այլ զարգացող ուղղություն էլ Youtube–ում գովազդն է` գովզդատուն հատուկ որոշ ալիքների բաժանորդագիրներին կոդ է տրամադրում, որը հաճախ կրկնում է ալիքի անվանումը։ Այսպիսի գովազդի շնորհիվ պրոմոկոդերի օգտագործողների լսարանը մշտապես ընդլայնվում է։Պրոմոկոդն օգտագործելը զգալիորեն դյուրին է, քան արժեկտրոնը։ Դրա համար անհրաժեշտ է վճարման բաժնում հավացել տառաթվային սիմվոլների կոմբինացիան առանձին պատուհանում, և զեղչը կսկսի գործել։ Բայց այստեղ էլ է զգոնություն անհրաժեշտ, որովհետև զամբյուղում կարող են լինել ապրանքներ, որոնց վրա պրոկոմոդով տրվող զեղչ չի տարածվում, և արդյունքում ընդհանուր գումարն ավելի մեծ է լինում, քան մտածում էիք։Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի www.abcfinance.am «Ֆինանսական գրագիտություն» համատեղ նախագծի շրջանակում: Նյութի սկզբնաղբյուրին կարող եք ծանոթանալ newsarmenia.am կայքում: 

Ձեզ կհետաքրքրի նաև

• Ինտերնետային գնումներ
• Ծախսերի օպտիմալացման 7 եղանակ
  
• 9 խորհուրդ ինչպես խնայել սննդի վրա
• Ինչպե՞ս արագ և անվճար հաշվարկել Վարկը, Ավանդը, Կենսաթոշակը, Աշխատավարձը