Նկարի եվ իրականության անհամապատասխանություն Նախ, էլեկտրոնային առևտրի ժամանակ դուք զրկված եք ապրանքն անմիջականորեն տեսնելու, շոշափելու հնարավորությունից, հետևաբար առկա է ռիսկ, որ ձեզ փաստացի առաքված ապրանքը կարող է չհամապատասխանել կայքում առկա նկարագրությանը։
Համացանցում գնումներ կատարելիս. մանրամասն ծանոթացեք վաճառողի սահմանած բողոքների քննման, ապրանքը հետ վերադարձնելու, փոխարինելու կամ վնասները հատուցելու կանոններին։
Օնլայն առևտրի խոշոր հանգույցները, ինչպիսիք են, օրինակ, Amazon-ը և eBay-ը, ունեն նման դեպքերում սպառողների շահերի պաշտպանության արդյունավետ համակարգեր, սակայն առանձին ինտերնետ-խանութները կարող են նման ընթացակարգեր չունենալ։
Նախատեսվածից շատ ծախսեր Կան կայքեր, որտեղ ներկայացվող ապրանքի գնի մեջ չեն ներառվում ապրանքի առաքման ծախսը, Ֆիզիկական կամ իրավաբանական անձի գործունեության արդյունքում դրամական միջոցների արտահոսք: ինչպես նաև խանութի կամ պատվերը կատարող միջնորդ կազմակերպությունների միջնորդավճարները:
Ուշադիր եղե՛ք և վճարումից առաջ ճշգրիտ իմացեք ապրանքի վերջնական գինը։
Կեղծ կայքերՈրպես խոշոր ինտերնետ-խանութ ներկայացվող կայքն իրականում ապրանքների վաճառք չի կատարում:
Այս պարագայում ուշադրություն դարձրե՛ք կայքի հասցեին, հատկապես, եթե այցելել եք կայք հղումով, այլ ոչ թե հասցեն ինքներդ մուտքագրելով։ Հաճախ կեղծ կայքերի հասցեն իրական կայքի հասցեից տարբերվում է մեկ տառով կամ որևէ օժանդակ նիշով: Իմացեք նաև Հայաստանում որ ֆինանսական խարդախություններն են տարածված և ինչպես խուսափել դրանցից:Amazon.com-ի կեղծ տարբերակը կարող է լինել Аmazon՛.com:
Ցածր անվտանգություն Այն կայքը, որում դուք իրականացնում եք վճարում, բավարար պաշտպանված չէ, և դրանում մուտքագրված տեղեկատվությունը, այդ թվում` ձեր վճարային տվյալները, կարող են հասանելի դառնալ այլ անձանց։
Վճարային քարտի տվյալները մուտքագրելուց առաջ վճարման կայքում փնտրե՛ք միջազգային վճարային համակարգերի կողմից հավաստագրված, ստուգված կամ ճանաչված լինելու մասին նշումներ.
Verified by VISA, MasterCard Secure Code:
Այժմ եկեք միասին կատարենք ինտերնետային գնում՝ պատասխանելով 3 հարցերի
Ձեզ կհետաքրքրի նաև
Նյութից օգտվելու դեպքում հղումը www.abcfinance.am պարտադիր է:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։