ՎԱՐԿԱՅԻՆ ՀԱՇՎԻՉ
ԱՎԱՆԴԱՅԻՆ ՀԱՇՎԻՉ
ԿԵՆՍԱԹՈՇԱԿԱՅԻՆ ՀԱՇՎԻՉ
ԱՇԽԱՏԱՎԱՐՁԻ ՀԱՇՎԻՉ
Վարկի գումար
Տարեկան տոկոսադրույք
Վարկի ժամկետ ամիսներով
Ավանդի գումար
Տարեկան տոկոսադրույք
Ավանդի ժամկետ ամիսներով
Համակարգին միանալու տարեթիվ
Ծննդյան տարեթիվ
Աշխատավարձ
Գրանցված աշխատավարձ
Եկամտային հարկ
Կենսաթոշակային վճար
«Սև ուրբաթ». ինչպես պատրաստվել մեգազեղչերին և չսխալվել

   Շատ շուտով` նոյեմբերի 27–ին, ողջ աշխարհում կմեկնարկի «Սև ուրբաթը»` մեծ զեղչեր, որոնք ազդարարում են սուրբծննդյան և ամանորյա զեղչերի մեկնարկը։ 

   Շատ կարևոր է այս գործում խելամիտ մոտենալը` սեփական խնայողություններին «մահացու» կորուստներ չպատճառելու համար։ 

Հետևեք պլանին 

   Զեղչերի սկզբում խանութ մտնելն ու գումար ծախսելը հեշտ է, բայց ձեռնտու չէ, իսկ մեր նպատակը մաքսիմալ տնտեսումն է։ Իրականում, ձեզնից մեծ ջանքեր չեն պահանջվում, կարելի է սահմանափակվել մի քանի քայլերով։ 

   Քայլ առաջին. կազմեք ձեզ անհրաժեշտ իրերի ցանկը, որոնք իսկապես պետք է գնել։ Զեղչերի շրջանում մեծ է «նույն գնով ավելի շատ ապրանք գնելու» գայթակղությունը։ Հիշեք`ձեր նպատակը ոչ թե հնարավորինս շատ ապրանք գնելն է, այլ գումար տնտեսելը։ 

   Քայլ երկրորդ. գների մոնիթորինգ։ Որոշ վաճառողներ հաճախորդներին գրավելու համար անգամ հայտնի ու տարածված հարթակներում դիմում են կեղծ զեղչերի հնարքին։ Այս պատճառով անհրաժեշտ է նախօրոք հետևել ձեզ հետաքրքրող ապրանքի գների դինամիկային (փոփոխություններին)` «աստղային ժամին» անհարմար վիճակում չհայտնվելու համար։ 

   Քայլ երրորդ. ծախսերի սահմանաչափ դրեք։ Օրինակ` դուք պատրաստվում էիք հազար դոլարով կենցաղային իր գնել, սակայն զեղչերը, ինչպես պարզվում է, այնքան մեծ չէին, իսկ ապրանքի գինը գերազանցում է ձեր սպասումները։ Արդյոք դրանք ձեզ համար նպատակահարմա՞ր ծախսեր են։ Այս հարցին պատասխանը կորոշի ձեր հետագա անելիքները։ 

   Քայլ չորրորդ. բացեք հատուկ դեբետային հաշիվ։ Իհարկե, հարմար է օգտվել վարկային գծից կամ օվերդրաֆտով քարտից ու չմտածել ծախսերի մասին։ Իսկ հարկ կա՞, արդյոք, խոսելու այն մասին, թե ինչ հետևանքների կարող են հանգեցնել նման չմտածված քայլերը։ Հենց այս պատճառով պետք է բացել հատուկ դեբետային հաշիվ, որի վրա կլինի միայն այն գումարը, որը դուք պատրաստ եք ծախսել։ Բացի այդ, դա կօգնի վտանգից զերծ պահել ձեր մնացած միջոցները։ 
Զգո՛ն եղեք    Մեծ զեղչերը ոչ միայն գումար տնտեսելու լավ հնարավորություն են, այլև դյուրահավատ մարդկանց խաբելու բացառիկ հնարավորություն խարդախների համար։ Զեղչերի շրջանակում կարելի է հանդիպել բազմաթիվ անծանոթ էլեկտրոնային հարթակների, որտեղ առաջարկում են 75% և ավել զեղչեր։ 

   Օգտատերերին ավելի շատ գրավելու համար չարագործները կարող են կրկնօրինակել հայտնի խանութի դիզայնը, իսկ բրաուզերում նմանեցնել այդ խանութի հղումը։ Կայքում տեղադրվում են թայմերներ, «բացառիկ առաջարկով» մեծ բաներներ, որոնք գնորդին կարծես դրդում են չմտածված գնումների։ 

   Չարագործների ծուղակում հայտնվելու դեպքում դուք կարող եք ձեռք բերել ապրանք «հատուկ գնով»` հետագայում պարզելով, որ այդ գինն ավելի բարձր է, քան մանրածախինը։ Վատագույն դեպքում ձեր բանկային քարտի տվյալները կհայտնվեն չարագործների ձեռքում, և այդ պարագայում դուք կարող եք կորցնել բոլոր խնայողությունները։ Ունենալով անգամ չնչին կասկածներ այն մասին, որ ձեր միջոցների հետ կատարվում են մեքենայություններ` պետք է անպահաղ դիմել բանկ` համապատասխան օգնության համար։ 
Եվ վե՞րջ 

   Իհարկե, ոչ։ Ինչպես արդեն նշեցինք, «Սև ուրբաթը» (Black Friday) մեծ զեղչերի ընդամենը սկիզբն է։ Հաջորդ կետը «Կիբեր երկուշաբթին է» (Cyber Monday)։ Կա կարծիք, որ «Սև ուրբաթի» ժամանակ հիմնականում ծանրաբեռնված աշխատում են մանրածախ ցանցերը, իսկ «Կիբերկուշաբթիի» ժամանակ գործում են զեղչեր առցանց հարթակներում։ «Կիբերերկուշաբթին» կազմակերպվում է «Սև ուրբաթին» հաջորդող երկուշաբթի օրը։ 

   Սակայն արդեն վաղուց այս սահմանումը չի գործում, և զեղչերի մեծ մասը հայտարարվում է առցանց։ Այդուհանդերձ, բազմաթիվ խոշոր խանութներ հիշում են այդ ամսաթվի մասին և հենց օրվա համար պատրաստում են հատուկ առաջարկներ իրենց հաճախորդներին։ Հավանական է, որ ձեր երազանքի գաջեթը կզեղչվի հենց այդ օրը, այնպես որ զգոն և ուշադիր եղեք։ Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում:

խնդրում ենք պտտել ձեր սարքը
Կամավորների գրանցում

ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։

Սխալ մուտքագրում
Սխալ մուտքագրում
Սխալ մուտքագրում
Սխալ փոստային հասցե
Սխալ էլ․ հասցե
MOBILE_ERROR
Շաբաթական
օր
Օրական
ժամ
Նշեք ինչպիսի աշխատանքների եք ցանկանում մասնակցել
CV is not attachedAttached file size can't be more than 1MB
Վերբեռնել
Կցեք ձեր նկարը
Մոռացել ե՞ք գաղտնաբառը
Ունեք ձեր անձնական էջը, Մուտք գործեք
Տվյալ հղումը ակտիվ չէ
իմ էջի գրանցում
Ունեք ձեր անձնական էջը, Մուտք գործեք
Սխալ մուտքագրում
Սխալ մուտքագրում
BIRTHDATE_ERROR
Սխալ մուտքագրում
Սխալ փոստային հասցե
Սխալ էլ․ հասցե
Սխալ հեռախոսահամար
Սխալ գաղտնաբառ
Սխալ գաղտնաբառ
Գրանցումը Ձեզ կտա հետԵՎյալ ընդլայնված հնարավորությունները
Կկատարեք հաշվարկներ հաշվիչներով և կպահպանեք արդյունքները
24
Կկառավարեք Ձեր անձնական բյուջեն 24 ժամ
Կգրանցվեք և կմասնակցեք տարբեր միջոցառումների
Կտեղեկանաք նոր միջոցառումների մասին
Կպահպանեք նյութեր, որոնք կօգտագործեք կյանքի տարբեր իրավիճակներում
ՄԵՐ ՊԱՏԱՍԽԱՆԸ COVID19-ԻՆ