1000 դրամն այսօր, երեկ ու վաղը տարբեր բաներ են ու տարբեր արժեքներ ունեն։ 1000 դրամն այսօր ավելի մեծ արժեք ունի, քան 1000 դրամը վաղը, քանի որ՝

-       գումարը կարող եք ներդնել ու վաղը նույն 1000 դրամից ավելի շատ գումար ստանալ։ Կարող եք այդ գումարը ներդնել օրինակ բիզնեսում, որի բարգավաճման դեպքում կստանաք շատ ավելին, քան ներդրած գումարը։

-       գումարը չներդնելու ու պահելու դեպքում ժամանակի ընթացքում այն ավելի քիչ է արժենում՝ գնաճի պատճառով։

Պատկերացնելու համար հետ գնանք 1995 թվական, երբ ուսուցիչը ստանում էր 25-75 դրամ աշխատավարձ։ Իսկ մեր օրերում երթուղայինի մեկ ուղղությունն արժի 150 դրամ։

Եթե ավելի հետ գնանք․ 1912 թվականին ֆինանսապես ապահով ընտանիքը կարող էր իրեն թույլ տալ գնել հորթ։ Մեկ հորթի արժեքը 3 ռուբլի էր։ Իսկ 1990-ականներին 1 մլդ ռուբլիով կարողանում էին գնել 200 գրամ ալյուր։